بحب ألهم شغلة كتيرمهمة لأنو هي يلي وصلتنا لهون ....
يمكن لو اهلنا كانوا منعونا و لو يوم واحد انو نروح عالمدرسه بالتمانينات كرمال حماه ,يمكن هداك اليوم كان فيه خلاصنا بهالمرحله
... الشي يلي وصلنا الو هو بسبب هداك اليوم يلي عشنا حياتنا بكل طبيعيه و احتفلنا و سهرنا و اهل حماه كانوا عميندبحوا بنفس الوقت طبعا على مبدا :
يصطفلو ,, نحن ما دخلنا ,,
ابني الله يرضى عليك ما بدي وجع راس ,,
نحن مالنا أدون ,,
هادا الشي ... وهادا الكلام يلي وصلونا لهون
هي الأنانية والتخاذل ... هي الضعف والجبن
هي هية كل معاني الأنحطاط الخلقي ... في مين دار ظهره من أكترمن تلاتين سنة
لأخوتنا وأهلنا في حماه , وها هو اليوم هناك في دمشق عاصمة الأمويين من يعيد هذه الكرَة وتلك الخيانة والأنانية ويدير ظهره ويصم آذانه ويغمض عينيه عما يجري في درعا وفي حمص وجسرالشغور وتلكلخ وأدلب ودوما ووووووووو ... وفي كل مدينة ثائرة على أرض سوريا الحبيبة .
اليوم وأثناء ما أطفالنا وشبابنا تذبح على عتبات أفرع الأمن هناك من يذهب برفقة زوجته الليدي .... رن ...... لينتقي عفشاً لبيته الجديد في حين هناك عائلات في حمص وتحديداً في باب عمرو ليس لديها ما تأكله ولاما تلبسه ولا حتى ما تتدارى به من برد الشتاء لأنهم بكل بساطة هدموا بيتهم , أيضاً هناك سيدات دمشقية وفي دمشق وليست فرنسية في باريس تخطط قبل ثلاثة أشهر من إنقضاء العام أين يمكن أن تقضي عطلة العام الجديد هل تقضيه في شرم الشيخ أم في دبي أو يمكن أن تقضيه في إسطنبول ... لعلها تكون قريبة من إجتماعات المعارضة وتسمع أي خبرطازج , ويلي بحزبالنفس إنه هذه الناس على أساس أصحاب دين وبيعرفوا الله منيح ... وفوق أنهم متخاذلين عم يحطوا العصي بين دواليب ناس عم تحاول تقدم شي لهثورة وشبابها سواء مادي أو معنوي , بس يمكن يحسنوا يكذبوا على الناس بشوية مظاهر خداعة ولكن بيحسنوا يكذبوا على الله .
منرجع لموضوع المدرسة ومشاركة الأولاد بالأضراب
معلش ,, لا تبعت ابنك اليوم او هالاسبوع عالمدرسه , لا تشتريلو هديه على عيد ميلادو , ولا لبس جديد عالعيد ,,الا اذا كانت احوالك ميسوره ابقى خليه يشتري بليره و فهمو انك كمان تبرعت بليره لطفل بحمص , خليه يعرف انو في الو اخ سوري بمدينه تانيه عمبيناضل كرمالو ولحسن حظو انو هو رح يدفع ليره مو نقطه دم
خليه يحس انو بلدو في محنه و اخوه عميندبح ولازم يقوم باي شي كرمالو حتى لو ضيع يوم دراسه مقابل اطفال عمضيعوا احلامون و اهلون وامانيهم ,,,
ممكن هاليوم ابنك مارح يتعلم جدول الضرب تبع الرقم 2 ,بس رح يدرك انو هو و طفل حمص واحد ,رح يعرف لما يكبر انو في ناس يمكن ماشافهم بحياتو و لا بيعرف يحكي بلهجتهم ,بس رح يساعدو لما بيحتاجهم متل ما هو وقف جنبهم ولو بابسط الامور
يمكن بهاليوم بالذات يلي رح يقضيه بالبيت عميلعب ,رح يتعلم اكبر درس بحياتو , رح ينفض عنو رمل القبيله او حتى الطائفه يلي ورتوا ياها اهلو و بيئتو و رح ينتمي لسوريا كل سوريا , مو قبيله حلب او الشام .
ملاحظة صغيرة : إنشاء الله بعد إنتهاء الثورة والقضاء على عصابات آل الجحش سنطالب بنقل العاصمة إلى حمص عاصمة الثورة وعاصمة العروبة وخليها دمشق غارقة في نومها إلى يوم يبعثون .
